قصيدة خالد الفيصل الجديدة، خالد الفيصل هو مستشار خادم الحرمين الشريفين منطقة مكة المكرمة، والذي نظم قصيدة جديدة بعنوان ” سلايل كحيلان”.
قصيدة خالد الفيصل الجديدة
يقول المتشار خالد الفيصل أمير منطقة مكة المكرمة في مطلع قصيدته :
أصلِّي فروضي وأصوم رمضاني
وأناغم أيامي وأعايش زماني
ولا لي إلا دين الإسلام غاية
ومناي أشوف الدار بأعلى مكان
قاموا بها جدي وأبوي وأعمامي
واليوم دور عيالهم بالتفاني
والحكم هيبة والقيادة شهامة
والعدل أساس الملك والأمن ثاني
وأنتم لهذا بأسلايل كحيلان
الله يوفقكم على كل شانِ
تاريخكم يبرق على غيم الأيام
تمعنوا فيها الخفا والبيانِ
يقولها إلي له مع الوقت وقفات
لأهل العقول اللي تعرف المعاني
أجمل قصائد خالد الفيصل
يعتبر خالد الفيصل من أشهر الشعراء النوابغ في منطقة الخليج العربي، ولديه قصائد عديدة تتحدث عن الحب والوطن وغيرها من المواضيع ومن أبرز قصائده :
– قصيدة أبي منه الخبر
أبي منه الخبر ويقـول لـلا
لِفا المرسول وماعيَّـن محلَّـه
وقلبي تايهٍ مِـن عـام الاوَّل
ألا يالله يسَّـر مـن يدلَّـه
خذاه الَّلي على خدَّه علامه
سوادة غيم في شمسٍ مطلَّـه
سرقني مادريت إنَّه سرقنـي
سلبني و أحسب إنَّي فاطنٍ له
أنا يوم أرسل عيونه لقلبـي
عطيته مُهجتي والمعطـي الله
نصف زين الخلايق في عيونه
وباقي الزَّين في باقيـه كِلَّـه
– قصيدة القلب لقلب
ما هو صحيح القلب للقلب شاهد
لو هو صحيح أصبحت مفتون فيني
بيني وبينك حب من قلب واحد
ليته يجيك من الهوى ما يجيني
وليتك تعرف الشوق لي صار واجد
وليتك تعرف أوجاع كثر الحنينِ
ما قد شكيت الحر والجو بارد
ولا سهرت بليل طول السنينِ
ولا مشيت العمر والحظ قاعد
ولا تحديت الألم والونينِ
أضحك وأنا لجروح الأحباب جاحد
أداري المكنون عن كل عينِ
ما ودي أفرّح على القلب حاسد
وإلا عذابي في عيوني يبينِ
شيٍ يهون وشي بالحيل كايد
يا كود تجريح الخفوق الحزينِ
من عانده وقته وقلبه يعاند
مالت به الدنيا يسار ويمينِ
غرّتني أمثال العرب بالشواهد
يبيك قلبي وأحسب إنك تبيني
– قصيدة يا قصيدة عمري
يا قصيدة عمري الّلي تكتبيني
كل يومٍ حرف من نغمة هواك
ارحميني بالهوى وإلا اذبحيني
لا تخليني معلّق في سماك
كل ما خذتي عمر منّي عطيني
لحظةٍ من ساعةٍ داخل حماك
الحياة أشوفها والموت فيني
والعذاب الّلي بغاك ولا لقاك
يسهر الليل وقمر طيفك بعيني
والشّعاع الصبح يوقظ بي رجاك
إن حدا حادي تولاني حنيني
وإن عرض طيفك على طرفي بكاك
كيف هذا من هوى قلبي يجيني
يا أرقّ الناس قولي وش دهاك
لو تماديت بملامي سامحيني
كم تماديتي بذبحي من طغاك
– قصيدة مرتاح أحبك
مرتاح أحبّك ولا علّمت
حتى انت عيّيت أبين لك
والبارحة يوم أنا سلّمت
شكّيت لو عيني تدلك
برقٍ لمع بالعيون وخفت
مواجع القلب توصل لك
عساك في ناظري ما شفت
كيف المعاليق يومن لك
من خوفتي لا أحترق جنّبت
هربت من شمسك لظلك
أخشى عليك الهوى لو طحت
ما تلني يمّك يتلّك
ما أدري صواب أو خطا ما قلت
إنّك حبيبي وأنا خلّك
– قصيدة يا عيونه
يا عيونه بس يكفيني عذاب
بالذي ودّك تقولينه دريت
كل ما قلتيه عندي له جواب
إقري عيوني مثل ماني قريت
يا ذهاب العمر عمري في ذ هاب
القوي الله فلكن ما قويت
ما بقى لي قلب منك القلب ذاب
بيّن حالي ولوني ما حكيت
كل ما قلت انفتح لي فيه باب
دار حظّي وانقلب عمّا نويت
دوك شيبي لاح في حل الشّباب
كلٍ بحظه وأنا بحظّي شقيت